其實隻隻奶粉都一__樣。
咁點揀呢？都係嗰句：適合囉！
聽過話某大牌子會唔便秘，你個b唔便秘，但係我個b會喎！所以講到尾都係要試嘅，但唔建議轉得太密，因為bb腸胃需要時間適應。
唯一我會推薦嘅係市面上有啲水解奶粉（partially hydrolyzed）會比較適合人奶b用嚟top up，因為水解後嘅奶粉會容易啲吸收，對食開人奶b嘅胃仔負荷冇咁大。
謬誤：bb 7個月了，一定要轉stage 2奶粉，否則唔夠營養。
Stage 1嘅奶粉係營養最豐富嘅，所以唔存在「夠月齡就一定要轉奶粉」哩回事。而事實上，好多西方國家只有一個stage嘅奶粉。咁點解香港會有咁多stage嘅奶粉？咪就係marketing 囉（笑）！所以如果屋企罐1號未食曬就食埋先轉喇！
注意⚠️月齡大嘅b可以食返細啲嘅stage，但掉返轉係唔得㗎！