生咗兩個b之後，我認為bb肯食奶嘴係一個blessing。
我大仔超愛，當初有struggle過俾唔俾㗎，但唔俾佢真係喊得好勁，自己安撫唔到自己。記得有一晚我同老公struggle緊俾定唔俾，我老公話：當下咩最緊要吖？我哋3個都有覺訓呀！
當頭棒喝，俾咗奶嘴之後從此happily ever after，一家三口過住幸福快樂嘅生活。（迪士尼公主音樂響起～）
然後到細仔，佢係完。全。唔。食！
我唔信邪，試過train佢食，食咗大概一個月又打回原形（淚）！所以佢比大仔難訓着，但勝在係開心b，好似比較容易安撫自己。
Nipple confusion 乳頭混淆的謎思
人奶b食奶嘴會易有nipple confusion?
的確係有機會。諗下初生b白紙一張，你俾咩佢佢啜咩啦，如果offer太多唔同嘅嘢俾佢啜，佢咪好難學識啜囉。所以剛出生頭幾個禮拜真係唔適合。
我會建議去到大概4-6個星期左右，如果你好有信心bb已經食得ok（作為日日餵佢嘅阿媽，你係絕對會知佢係咪食得ok）嘅話，就可以試了，願你成功！
戒奶嘴好煩、影響牙齒生長云云
都係好真實嘅壞處嚟嘅。但係我大仔只係用咗3日就戒咗，而且佢當時只係啱啱出牙！所以哩方面我就真係好彩囉！（奸笑）
Fyi, 佢戒咗奶嘴先出牙，但牙齒都係唔齊唔靚，完。🙃